ASSALAMU’ALAIKÔM KAWÔM SYÉDARA
SALEUEM SEUMAPA DI DALAM CA-É
SALEUEM UKHUWAH LEUPAH MULIA
SAMBÔT SYÉDARA NGÖN IKHLAH HATÉ
ALHAMDULILLAH LIMPAH SEJAHTRA
PUJÖE RABBANA BEUNA LAM SABÉ
SYUKUR KEU ALLAH LEUPAH MULIA
RAHMAT KEUHAMBA KA GEUBI TANPRÉ
SEULAWEUET SALEUM KHEUN SAMA RATA
TUWO TEUH BÉKNA KEU NABI AKHÉ
NABI MUHAMMAD NYANG THAT MULIA
NGÖN KELUARGA SEULAWEUET BÉK PRÉ
TEUMA SAHABAT NYANG THAT MULIA
SEREUTA ULAMA AWAI NGÖN AKHÉ
SABE TEUINGAT TIEP SA’AT BEUNA
SEULAMAT SEJAHTRA MEUDÔA SABÉ
DEUNGÖN BEUREUKAT RAHMAT NYANG KUASA
SIHAT ANGGOTA DI ULÔN SABÉ
BEUTRÔH BAN HAJAT SURAT LÔN RIKA
SEUNUSÔN HABA KEU UBAT HATÉ
DEUNGO HOREUMAT SAHBAT SYÉDARA
TUHA NGÖN MUDA KUTA NGÖN DI GLÉ
ADOË NGON ADUEN KUMUEN NGON APA
AGAM NGON DARA HOREUMAT LÔN BRÉ
SALEUEM HOREUMAT INTAT BEURATA
LAM SENI SASTRA TRADISI CAÉ
HABA MEUPAKHÔK BÉ-ÔK LÔN RIKA
SENI BUDAYA NYANG KARAP REULÉ
BINTANG DI LANGÈT MEUBLÈT-BLÈT CAHYA
BULEUEN PURNAMA PEUNGEUH BUKON LÉ
SALEUEM BAK UBOË ÈTNOË MEUMADA
MEU’AH SYÉDARA AWAI NGON AKHÉ
PAT PAT NASALAH KISAH LÔN RIKA
PEUMEU’AH SIGRA RAKAT BOHATÉ
BÈK SAMPÉ DUDOË TANYOË MEUDÔSA
MEU’AH SYÉDARA BATÉN NGON LAHÉ
KASÉP KEUH ÈHNOË ULÔN NYOË SAPA
SALEUEM SEUMAPA NIBAK PHÔN CAÉ
GANTOË MAT JAROË LÉ TANYOË DUMNA
ROT CA-É HABA ULÔN PEUSAMPÉ
SÉP ‘OH NOË DILEE TEUNTÈE BAK MULA
KARANGAN HABA PEUSEUNANG HATÉ
MEDYA HUSÉN NYANG SALÉN HABA
JINOË DI BANDA KON LÉ KRUENG SABÉ