DEUNGON BISMILLAH KISAH LÔN RAWÉ
LÔN KARANG CAÉ MAMЀH NGON LEUKIET
KEUBHAH JAMEUN NYOË JEUT SAGOË LAHÉ
LE THAT BUET GANJÉ ULЀE MEU APIT
ANEUK TULÔ BLANG GARANG BUKON LÉ
ANEUK TULÔ GLÉ DI MEUSU TAP-TIP
LEUPAH THAT GURA DÔNYA KA AKHÉ
UREUENG LÉ JAHÉ RAYEK NGON UBIT
OH TÉ TADEUNGO PUNGO BUKÔN LÉ
SAMPÉ DALAM GLÉ DI PUBUET MAKSIET
RAMЀ MEULEUPAH JAK REUPAH JAHÉ
OH DÔNYA AKHÉ HAÉK LÉ TAWIET
MEUNAN KEUH BAGOË JINOË DEUH LAHÉ
LEUMAH BUET JAHÉ TATEUGAH MEUGRIET
MEURAJALЀLA DI BINЀH PANTÉ
DI JAK MEURABÉ MEU CUTIET-CUTIET
AYAH NGON POMA HAЀK LÉ PIKÉ
ANEUK MEURABÉ RAYEK NGON UBIT
MUDA NGON DARA RATA SAGOË BÉ
KAJEUT BUET JAHÉ MANTONG ANEUK MIET
LE ANEUK DARA KAJIBA SABÉ
TIEP UROE TANPRÉ MEULAHIET LAHIET
TA EU DI RAYEUNG DI BAPLUENG SABÉ
LIKÔT HONDA ITANPRÉ MEU APIT-APIT
BAK PIYÔH CANDA CIT KANA KAFÉ
RATA SAGOË BÉ HANA LÉ MEUGRIET
PEU NYANG TAHAWA SEULЀRA HATÉ
JUS NGON NESCAFÉ KUWÉH TEUBULIET
BAK PIYÔH JÉB IE PEULEUPIE HATÉ
WOE BINЀH PANTÉ KAHЀK CEUMUTIET
MEU WAYANG SEUNDA EU GAMBA HP
SEUNANG BUKON LÉ BAH BADAN LEUKIET
MEUNAN PEUKATEUEN JAMEUN KA AKHÉ
RATA SAGOË BÉ TA UBAH MEUGRIET
LE MANUSIA KA HITAM HATÉ
MEUNYO BUET JAHÉ BAGAH THAT LEUKIET
TUHA NGON MUDA JAMEUN KA AKHÉ
MEUNYO BUET GANJÉ HANA LÉ UBIET
ANEUK LUA NIKAH LEUPAH LE LAHÉ
HUBUNGAN BAKHÉ YÔH GOH LOM GATIP
KATRÔH BAK MASA DÔNYA KA AKHÉ
MEULOMBA JAHÉ RAYEK NGON UBIT
NYO BUET AGAMA SANG HANA MEUKRE
MEUNYO BUET JAHE BAGAH THAT LEUKIET
ANEUK BUE LUTÔNG JAGÔNG DI PAJÔH
HANASOE PARÔH LAMPÔH TOE GUNÖNG
KEUBIT KAGANJÉ BAK JAHÉ GADÔH
MEULEUMPAH SUNGGÔH AGAM NGÖN INÖNG
MAKANAN HAREUEM JAMEUN NYOE KATRÔH
NYÖ TAN GÉT TALHÔH KA JADЀH KEUNÖNG
DAKNA NYANG HALEUE DIKEUE PEUJI ÔH
HAREUEM NGÖN MEUKRÔH CIT TEUNANG MANTONG
RAMЀ NYANG GALAK BAK BUET PEUE NYANG RÔH
RAMЀ NYANG PAJÔH ATA MEULANGÖNG
RAMЀ NYANG MEUHEUT BAK BUET NYANG BЀE KHÔH
ASAI NA BUNGKÔH LAJU TEURIMÖNG
HAREUTA RIBA RAMЀ UREUENG TRÔH
RAMЀ NYANG PAJÔH ASÉ PЀNG BUNGÖNG
RAMЀ NYANG GALAK BUET RUSAK TUBÔH
RAMЀ UREUENG BLÔH ROT SYЀTHAN TAMÖNG
PEUE LOM AGAMA HANA LAM TUBÔH
HAREUEM NGÖN MEUKRÔH HANA PEUE TANYÖNG
ILEUMЀE HANA KIRA PEUE NYANG RÔH
MORAL PIH LAYÔH IMAN H’ANA KONG
GEUTANYOE INSAN IMAN BЀK LURÔH
OHTÉ SALAH BLÔH BЀK LAZAT TADONG
OHBAN KASILAP MENGUCAP SUNGGÔH
INGAT RAKAN BEH AGAM NGÖN INÖNG
BAK BUET NYANG JEUHEUT KAJEUET TAPI YÔH
BEK LE RAKAN BEH PIKERAN BINGONG
INGAT KEU DOSA NURAKA PAJÔH
SINGOH GEUREUBÔH DALAM BEULANGÖNG
ЀT NOE KAHASÉ CAÉ LÔN PEUTRÔH
DIDALAM RATÔH BAK LÔN NYANG BINGÖNG
MEUNYÖ NA SALAH MEU’AH RAKAN BEH
TOE DEUNGÖN JI ÔH AGAM NGÖN INÖNG