NYOE NA HABA MEUPADUM KRAK
DEUNGÖ HAI NYAK LÔN MEURIKA
BAK BUET NYANG PAH H’AN PAYAH GRAK
GЀT MEUSAWAK ATEUEH BANJA
NYÖ TAMEUYUE NIBAK UREUENG
EK DI TAMPUENG NA TEUNAGA
JEUET DI PUBUET HAN MEUKALEUENG
TEUPAT BEUNTEUENG JEUET KEURIJA
TAJÔK QUR’AN PIH JEUET GEU BEUET
TALEUENG PALEUET JEUT MEUDÔ’A
TAJÔK GENSE JEUET TEUMULÉH
TAJÔK TAMBÉH JEUET GEUBACA
TAYUE MAT NANGGROË NA PANGKAT
TABI KITAB JEUT BÔH MAKNA
YUE DONG IMUM FASЀH AYAT
YUE NGIENG RAKYAT JEUT GEUBINA
BÔH KEU TUHA H’ANA SOMBONG
NYANG KA TEUDONG H’AN MEUHILA
YUE WEUEK TUMPÔK BAGI CARONG
H’ANA SANGONG BÔH PANGLIMA
PAH PEURAHÔ GЀT KEUMUDOE
MAKMU NANGGROË ADÉ RAJA
PAH PEMIMPIN NA ILEUMЀE
KON TEUMIRЀE GEUKEURIJA
NYOË PADUM KRЀK PAKЀK WARÉH
HABA TAMBÉH BIJAKSANA
ATEUEH UREUENG KUREUENG LEUBЀH
NYÖ NYANG SAHЀH KON BAK HABA
TA EU MEUNANG BAK NYANG KALHEUEH
TA EU CEUBEUEH ÉK GEUPUBLA
NYÖ MEUHABA ÉK GOP DEUNGÖ
MEUNYÖ BAKO GOP PEUCAYA
MEUNYÖ JAK BEUET MEUSOE TEUNGKU
NYÖ MEULAGU PAH IRAMA
MEUNYÖ SIKULA NA IJAZAH
MEUNYÖ KULIYAH NA SARJANA
NA WIBAWA GOP DI SEUGAN
GOT TURUNAN BIJAKSANA
NA ILEUMЀE JEUT PANUTAN
RAMЀ INSAN PEUMULIA
RAYA GEUNDRANG H’ANA LAGU
PANЀ LAKU KUREUENG GURA
RAYA PEUGAH BABAH MEUSU
PANЀ MAJU NYÖ BUET H’ANA
GЀT RAPA I NYANG NA DEUNGÖNG
GЀT BEULANGÖNG BEUSÔT H’ANA
GЀT PEMIMPIN UREUENG CARONG
GEUDUEK GEUDONG PIKÉ BANGSA